Wia i mir a kloane Bühne und a Sofa Ecke gebaut hon

Wia i mir a kloane Bühne und a Sofa Ecke gebaut hon

I hon in do Cave Sofas, Tische und a Bühne gebraucht. Deswegen hon i mi auf die Reise gemocht. I hon gewisst, dass i gern a poor Palettenbänke und Tische het. Sell hon i letschtes Johr im TPZ schun zomgebaut und de hobm mir ziemlich guat gfolln.

I hon mir amol ausgedenkt wos i olles brauch und bin auf des kemmen:

  • 24 Paletten

  • 24 Radln

  • 4 Polster-Sets

  • Schraufen

  • Tischplotten

  • (und wia i später ano draufkemmen bin) Iron-Man Level Bohreraufsätze

I bin iaz also in meiner Halle und hon meine Liste mit Zuig. Cool. I rechn mir des amol durch und find außer, dass i des decht net will. Ober donn erinner i mi an meine Schualzeit und wenn mon irgendwo um Sponsoring frog, sogn se olle, dass se koan Geld gebm sondern lei Sochspenden.

Sell war des jo theoretisch :D

Also gea i ins Obi und frog und tatsächlich, sie mochn mir an super Preis. Iaz hon i lei no is Problem, dass i des gonze Zuig vom Obi in die Cave bringen muas. Weil i ober an Haufen super Menschen kenn, hot do Elias Gamper (Tontechniker und Astraloge) is gonze Zuig vom Obi in die Cave gfiehrt. Und do Jonathan, do Moritz und die Nathaly hobm hgolfn olles zom zu bauen. Do Moritz hot donn ano a super Video gemocht.

Beim bastln selber ischs donn a bissl dramatischer zuagongen ober für sell hobmer jo is Video. Viel Spaß beim schaugen und wenn es amol in do Cave vorbeikemmen wellt um die Bühne zu testen, donn braucht es koane Ongst hobm enk zu melden. Die Sofas sein suscht lei traurig wenn niamand draufsitzt.

Die erste Cave Stage

Die erste Cave Stage