Juli Cave Stage

Juli Cave Stage

To survive, you must tell stories.

-Umberto Eco

Nochdem mir die Juni CaveStage ogsog hobn, weil i in Thailond wor, hon i mi volle auf die Juli CaveStage gfreit. Die erste Gschichte hot do Fritz und do Jonny erzählt. Es wor a Oan-Sotz-Du-Oan-Sotz-I Gschichte über an Nochmittog in do Aquarena. I bin richtig stolz aufn Fritz, der sich volle Mühe geben und sich mehrere Toge vorbereitet hot.

“Benni, i hon iaz mein Bühnen-Ich kennen gelernt. I mogs!

-Fritz Aichner

Fritz Aichner Jonathan Troi Aquarena Geschichte

Dannoch hot do Franz sich an a Bob Dylan Liad getraut unds für sich umgebaut.

bob dylan girl from the north country interpretiert vom Franz

bob dylan girl from the north country interpretiert vom Franz

Weil die Francesca gemoant hot, dass mir bei do CaveStage Leit zwinge epas zu mochn (wos mir net tian!), hot sie ins epas gebastelt. Sie isch nämlich a super Zeichnerin und hot außerdem für olle meine kreativen Projekte schun amol a Fan Art gemocht, de olm wunderbar isch!

Francesca Losavio Grafikerin Sticker
De gian super auf olles wo man epas inni schreiben, drauf Musikspielen oder epas inni zeichnen konn.

De gian super auf olles wo man epas inni schreiben, drauf Musikspielen oder epas inni zeichnen konn.

Noch do Francesca isch di Magdalena drunkemmen, de ins an wunderschianen PoetrySlam vorgetrogen hot. Sie hot epas gonz persönliches erzählt. Er wor volle volle schian und am Ende hobm die Leit nimmer aufhern gewellt zu klotschn. Für mi wor des als Bruader berührend und irgendwia hot sich des a guat ungfühlt zu wissen, dass mon in do Cave a epas vortrogn konn, wos net olm lei lustig isch.

Fliag wia a Schmetterling

Fliag wia a Schmetterling

Die Nathaly hot sich demol a getraut epas vorzutrogn. Sie hot vor zwoa Wochen Instagram gelossn, weil sie in Thailond viele Paardln gsegn hot, de net mitaononder geredet, sondern lei Handy gedruckt hobm. Deswegn hot sie donn a poor Gedonken aufgschrieben. Am Ende hobmer donn a weile drüber Diskutiert obs des Social Media wirklich braucht.

Nathaly Ebner Think Piece

Epas wos mi no volle gfreit hot wor, dass do Franz mit do Linda epas zusommen gemocht hot. Mir isch volle wichtig, dass mir net olm lei insere eigenen Sochen zu mochn, sondern ins a getrauen mit ondore zusommen zu orbeiten und epas tolles zu mochen. Do Franz hot in do Nathaly a Woche noch do ersten CaveStage gsog, dass er epas mit do Linda mocht. Sie hobm zusommen a Liad von Annenmaykantereit gsungen und olle sein gschmolzn.

Franz Aichner Linda Losavio Musik

Wenn wor is letschte Mol, wenn du a Gedicht ghert hosch? Bei mir ischs schun länger her. Die Alina hot sich als Reimerin versuacht und hot ins a Gedicht über Hexenverbrennung und Busfohren vorgetrogen. Es wor a gonz a kloanes bissl crazy :D

Alina Gruber Gedicht

Obgschlossn hon i mit an Sketch, den i für an Wettbewerb gschrieben hon. Meine Schauspieler worn do Jonathan, die Nathaly und do Franz.

Benni Troi Sketch

Des wor di zwoate CaveStage. Mir Jungen brauchen des. Mir brauchn an Ort wo mir insere kloanen Projekte in an kloanen Rahmen probieren kennen. Wo mir ins net rechtfertigen miasn. Wo mir ins net von Leit de net wissn wias isch auf a Bühne zu stian unhorchn miasn, dass des wos mir mochn nix gscheids isch. Mir brauchn den Zuaspruch von Gleicholtrige, von Leit, de gleich wia mir sein und sich auf die gleiche Bühne stellen und sich getrauen.

I meacht mi bei olle bedonken, de solche Obende möglich mochen. Demol bei do Trametsch für die Pizza. Gonz fest Danke!

Wia hosts beim Kulturprozess ghoasn? Losst ins Orbeiten, donn passiert Kultur :P

Benni Troi Regie

Mon konn Texte, de mon bei do Cave Stage vorgetrog hot, einsenden. Di sell findet mon do

Demol worn dabei:

Fritz Aichner - Geschichte (Duo)
Jonathan Troi - Geschichte (Duo)
Franz Aichner - Musik (Solo/Duo)
Francesca Losavio - Produktvorstellung (? :P)
Magdalena Troi - Poetry Slam
Nathaly Ebner - Think Piece
Linda Losavio - Musik (Duo)
Alina Gruber - Gedicht
Benni Troi - Sketch

Zuschauer:

Martina Pernthaler
Lorenz Aichner
Aaron Zingerle

August Cave Stage

August Cave Stage

Die erste Cave Stage

Die erste Cave Stage