August Cave Stage

August Cave Stage

Home is where our story begins…

I wor iaz a poor Toge in Korea und i hon no nia Dahoam so vermisst wia sem. Aufgfolln isch mir sell, während i aufn Boden ghuckt bin und traditionelles Essen gessen hon. Die Froge de sich in meinen Kopf gequetscht hot wor: Warum isch bei ins dahoam is Essn so guat? Und gleich dannoch, wos isch eigentlich dahoam?

Net dass i net woas wos dahoam isch. Ober i hon mir no nia wirklich überleg wos sell genau isch. Deswegen hon i demol in do Cave Stage a Thema geben: Wos isch Dahoam?

Und die erste de sich auf die Bühne getraut hot, wor die Nathaly.

Nathaly Ebner - Dahoam

in ihrem Text hot sie amol durchgschaug, wo sie sich überoll dahoam gfühlt hot. Von Barbian, bis Kapstadt und wieder zrug noch Brixen, sein do schun a poor Stationen dabei gewesen.

Als negschtes hot do Samuel innere Reinigung betrieben. Er wor mit in Korea und hot sich über sell a Liste zumgstellt, wos für ihn dahoam isch und wos net. Es wor sehr unterholtsom! er hot ober a gsog, dass es für ihn a volle schwares Thema wor und a Dialekt schreiben epas isch, an des mon sich gewehnen muas. Des hot donn a kloane Diskussion gstartet ;D

Samuel Lecher - Dahoam

De Diskussion hot do Franz donn taktisch mit a kloanen Gschichte übergeleitet. Er fühlt sich nämlich überoll dahoam, wo er net unter direkter Lebensgefahr steat und sein Lieblingsort isch a Bankl, über des er a Liad gschrieben hot.

Franz Aichner - Dahoam

Do Franz hot es erste Mol a eigenen Text vorgestellt und sich richtig ins Zuig geleg. I hon des volle schian gfundn und i feiers olm, wenn do Franz vollgas gib auf do Bühne!

Noch Franz bin i donn drunkemmen. I hon an Text über an Kirschbam gschrieben, der bei ins im Gortn gstondn isch und i volle traurig wor, wenn er nimmer do wor, weil er kronk gewordn isch.

Benni Troi  - Dahoam

Noch mir isch donn die Alina drunkemmen, de zwoa Texte vorbereitet hot. Oanen über dahoam und an ondoren über a Liebesgschichte zwischen zwoa, de net zompassn und des donn ober decht irgendwia funktioniert.

DSC_0038.jpg

Vorollem in Franz hots noch ihrer Gschichte durchgetun. Er hots net gfassn, wia voll und rund die Alina schrieben konn und mon hot richtig gsegn, wia guat ihn der Text gfolln hot. Sem sein mir donn a draufkemmen, dass die Alina im Internet Gschichten veröffentlicht hot, de 12.000 Leit schun gelesen hobm.

Noch olle Beiträge sein mir no gemiatlich zomgsessn und hobm drüber geredet, dass es dahoam decht irgendwia am schianstn isch.

I mechat mi no gonz herzlich bei do Lissi Tschöll vom Alten Schlachthof bedonkn, de ins demol mit Gipfelen unterstützt hot. Danke Lissi!

Mon konn Texte, de mon bei do Cave Stage vorgetrog hot, einsenden. Di sell findet mon do

Demol worn dabei:

Nathaly Ebner - Think Piece
Samuel Lechner - Slam
Franz Aichner - Musik (Solo)
Alina Gruber - Geschichte
Benni Troi - Geschichte

Zuschauer:

/

Der erste Cave Schnappschuss

Der erste Cave Schnappschuss

Juli Cave Stage

Juli Cave Stage