Back to All Events

CaveTalk Oktober

I hon mir bestimmte Zeitungen de i früher gern gelesen hon aufm Handy blockiert. I bin nimmer viel auf social media ummer, weil i mi volle gstresst fühl von der konstanten ongst vorm Klimawondl, dem Zwong epas tian zu miasn um des zu stoppm und de gonzn haaln Versuche mir epas über meine Ongst undrahnen zu welln, dass i mi vor dem riesigen Problem oanfoch freikafn konn.

Bei do letschten Cave Stage im September, hot do Tazio seinen Holzcomputer vorgstellt und dabei a richtig interessante Diskussion gstartet. Di sell mecht i am 12. Oktober weiterführen.

Deswegen hon i in Tazio gfrog ob er net in do Höhle a bissl epas über sein Studium (Bioresourcen Management und Ökodesign) erzählen will und gleichzeitig de Knoten im Hirn, de die Ongst und es Chaos mochn, a bissl entwirren will. Er werd an kloanen Vortrog mochn (den er a a bissl als Masterprüfungsvorbereitung nutzn werd) und dannoch für enkre Frogen do sein.

Es tat mi volle freien, wenn es vorbei kemp. Mir brauch natürlich ano an Happele-Sponsor für den Obend. Wenn jemand jemand kennt, tat i mi volle über die Unterstützung frein!

Es sein 11 Plätze frei.

Do kennt es enk onmelden: Anmeldung.

I frei mi mit enk zu reden und dass mir vielleicht auf epas draufkemmen, wos mir mochn kennen um zu helfn.

Earlier Event: September 13
CaveStage September
Later Event: October 18
CaveStage Oktober